Доказательство о Церкви и о ея таинствах : сочинение против старообрядцев Никиты Афанасьева, священника церкви Богоявления в г. Коломне [рукопись]. [Б. м.], [XIX в.]. 458 л.

Предисловие

Благочестивый читателю, ведомо тебе да будет, яко сия Книжица показует описание совершенства истинныя Церкви Христовы, соборныя и апостольския, на совершение истинных христиан. Написася же того ради, яко наши россияне мнимые староверы, паче же рещи отступники, разделенные на многочисленные толки, друг другу сопротивныя, разглашают Святей Церкви весьма ложное и писанию противное учение. Овогда бо глаголют, якобы Церковь истинная содержащая те чины и уставы церковные, за них же от всероссийския церкви отступили, во вселенней пребывает невидима и от все утаена. Овогда же сицевою церковию себе именуют, восточней же и всероссийской святей церкви сего достоинства дати не хотят, ведят бо противницы, яко церковь Христова, по словеси апостола Павла, столп и утверждение истины, а потому и утверждаемое церковию все будет истинно, и всякого приятия достойно, и аще бы нарекли восточную всероссийскую церковь Христовою, всячески бы понуждены были познать оную и должны бы исповедать все чины и уставы в ней исполняемыя по всему истинныя и ненововводныя.
Но понеже противническое ложное о церкви мнение и учение и ныне рассевается, того ради понудихся собрати во опровержение противнического учения, истинныя доводы в сей книжице написати, яко церковь восточная и всероссийская есть самая церковь, столп и утверждение истины. Противническая же несть истинная, но и бытия своего на вселенней не имущая. Почему и толки их якоже церкви себе явити не могут, тако и частию тоя быти отпадают.
Для удобнейшаго понятия и скорейшаго приискания и прочитания вся зде писанная поряду разположено разными разсмотрениями, о святей церкви и о всех ея таинствах, и о обрядах церковных, о чиноположении, и о прочих вещей, при сем приложен реестр в конце книги сея, что угодно кому о нем сыщет.
При сем молю и прошу всякаго, чтущаго сию книжицу, не предосудити мене ради моего недостаточнаго разумения, егоже ради понуждаюся более молчати, нежели глаголати и писати, но ревность о святей церкви возбуждает мене ко изъяснению истины.
И аще кому сие мое написание окажется весьма неприятно или совсем противно, милостивы мне будите и незозориви ума моего.
Все сие собрано и написано стараниями и трудами своими. Града Коломны церкви Богоявления Господня священника Никиты Афанасьева.